MANILA – Panahon na karon sa graduation ilabi na sa senior high, sa kolehiyo, ug sa mga advanced studies.
Apan mipahigayon ang usa sa mga inilang unibersidad sa Pilipinas og graduation ceremony alang sa ilang pinangga nga iring.
Mihatag ang De La Salle University (DLSU) og espesyal nga graduation ceremony alang sa orange tabby cat nga si “Archer”.
Motuo man o sa dili, gitambongan sa mga estudyante ug faculty members
ang maong seremonya agi og respeto ngadto sa iring nga si Archer.
Gawas sa gisuotan siya og toga, gihatagan usab si Archer og alumni card. Gani, gipakpakan siya sa mga nanan-aw sa dihang mipaso na kini sa stage.
Matud sa pamahayag nga DLSU Professor for the Upliftment of Society’s Animals (DLSU-PUSA), ilang gihatagan og katapusang respeto alang sa iring ni Archer imbes nga ilang pasagdan lang sa dalan.
Sa maong seremonyas, daghan ang namalit og mga limited edition nga button pins, stickers, ug uban pang mga pet merchandise diin ang halin niini, himoong pondo sa DLSU-PUSA alang sa pag-amuma ang mga saag nga iring kon stray cats.
