Usa ka tambay nga naglisud pagpangita og trabahu; namaligya nalang ug shabu, nadakpan sa kapulisan

Mukabat sa Php 68,000 ang kantidad sa illegal nga drugas ang na confiscate sa mga sakup sa Parian Police Station atol sa ilang gihimo nga Buy-bust Operation sa Sitio Lorega Proper, Brgy. Lorega San Miguel, ning dakbayan sa Sugbo.

Giila ang dinakpan sa pangan nga si Hyler Roka aka “Taton”, 22 anyos, ulitaw nga residente sa Brgy. Mabolo, Cebu City.

Nakuhaan si Taton ug 10 ka gramo sa gitu-ohang shabu.

Matud pa ni Taton nga maglisud siya pagsulod ug trabaho tungod kay Grade 7 ra kutob ang nakab-ot ug wala kiniy diploma.

Dugang pa ni Taton nga inig pangaplay niyag trabaho, pangitaan man siya og Diploma sa dihang wala siyay kapakita hinungdan nga ni diskarte nalang kini sa pagpamaligya ug illegal ng drogas.