CENTRAL VISAYAS-Usa patay upat angol human gidaro sa sakyanan ang pito ka laing sakyan pasado alas 5 sa hapon Agusto 25 sa Nat’l Highway Brgy. Bais Negros Oriental.
Giila ang namatay nga si Bobby Adante, taga Brgy. Talungon, Bais samtang ang naangol mao sila Richard Mahinay, Rose Mary Mahinay, nga taga Brgy. Lapaz, Bais,Alejandro Perel, taga Brgy. 2, Bais, og Alfredo Adalid, drayber sa pang gobyernong sakyanan.
Sa imbestigasyon gikan sa Bais Police Station, nasayran nga nakainom ug ilimnong makahubog ang drayber nga si Alfredo Adalid, og posibleng kusog ang dagan hinungdan nga midaro ngadto sa mga sakayanan.
Tungod sa kusog nga impact naka-angkon og mga samad sa nagkadaiyang bahin sa lawas hinungdan nga daling gidala sa tambalanan ang mga biktima apan gideklarang patay si Adente sa attending physician.
Sa kasamtangan, gihulat pa karun sa kapulisan ang desisyon sa mga biktima kon andam nga mopasaka og kaso batok ni Adalid.
