Nakit-an na sa mga otoridad ang usa sa duha ka flight data recorder o mga blackbox sa nahagsa nga Air India plane sa Ahmedabad, India.
Padayon gihapon ang ilang pagpangita sa usa pa diin, nipartisipar na usab ang mga forensic expert sa crash site aron magtigom og mga ebidensya nga may kalabutan sa aksidente.
Kaniadtong Huwebes sa gabii, gipahibalo sa India ang pag-abli sa usa ka pormal nga imbestigasyon nunot sa pagkahagsa sa Air India plane.
Diin ang Aircraft Accident Investigation Bureau ang nanguna sa imbestigasyon, samtang ang Estados Unidos ug United Kingdom nagpadala usab sa ilang mga eksperto nga grupo aron motabang sa imbestigasyon sa pagkahagsa sa ayroplano.
Sa pikas bahin, ang Punong Ministro sa India nga si Narendra Modi, personal nga miadto sa crash site sa Ahmedabad ug mibisita sa British national, bugtong naluwas sa makalilisang nga trahedya, si Vishwashkumar Ramesh, nga karon nagpaayo sa ospital. | Bombo Irene Ardiente
