Gidakop sa mga pulis sa Argentina ang usa sa 2 ka lalaki nga giakusahan nga maoy supplier og droga sa kanhi miyembro sa One Direction (1D) nga si Liam Payne sa wala pa siya mamatay human mahulog gikan sa ikatulong andana sa iyang kwarto sa hotel sa Buenos Aires niadtong Oktubre 16, 2024.
Giila kini nga si Brian Paiz, usa sa 5 ka mga akusado nga giakusahang may kalabotan sa kamatayon ni Payne.
Kahinumduman nga ang 3 sa 5 ka mga akusado kay una na nga gikasuhan og kasong manslaughter ug ang laing 2 gikiha tungod sa pag-supply og ilegal nga drugas sumala sa mga piskal nga nagdumala sa kaso.
Matud sa Prosecutors, ang British singer miinom og cocaine, ingon man ang alkohol ug mga reseta nga anti-depressant sa wala pa mahulog gikan sa balkonahe sa iyang lawak sa Casa Sur Hotel.
Apan, gipanghimakak ni Paiz nga nakadawat siya og kuwarta sa iyang gisuplay nga drugas, apan ang huwes sa nahisgutang kaso niingon nga makita sa nahipos nga ebidensiya nga gibayran siya sa pag-supply og ilegal nga drugas.
