CEBU CITY-Midangop sa Bombo Radyo Cebu ang pipila ka mga tinun-an sa usa ka tunghaan nga nahimutang sa dakbayan sa Sugbo arun ipadangat ang ilang reklamo tungod dili accredited sa Commission on Higher Education o CHED ang maong eskwelahan.
Gani, gikuhaan og habig ang buhatan sa CHED 7 kabahin sa maong isyu diin atol sa pakighinabi sa Bombo News team kang Mary Anne Mirabueno, ang Chief Administrative Officer sa CHED Region 7, nga mu-isyu sila og advisory kabahin sa usa ka Higher Education Institute sa maong tunghaan aron ma-verify kung wala ba kini accreditation ug “government authority to offer a program”.
Dugang pa ni Mirabueno nga mamahimong anonymous ang reklamo aron masusi sa CHED ang maong tunghaan kung ibutang ba kini sa “under investigation status” o “for referral”, subay sa ilang proseso.
Kung mapamatud-an nga dili accredited sa CHED ang usa ka tunghaan, ipa-imbestigaran kini sa Regional Office aron ma-endorso sa Cental Office sa CHED arun mudagan ang due process of legal procedures niini.
Gidasig sa CHED ang mga estudyante nga susihon usa ang usa ka tunghaan ug aduna ba kini accreditation aron dili masusama sa maong panghitabo.
Sa pagkakaron, gipabiling anonymous ang maong tunghaan nga gi-question samtang anaa pa kini sa imbestigasyon.
