Nidako ang utang sa Pilipinas ngadto sa P15.02 trilyon sa hinapos sa Abril taliwala sa hinay nga balor sa PH peso sumala sa Bureau of Treasury (BTr).
Mas taas kini og P91.5 bilyones o 0.61% sukad niadtong Marso apan nagpabilin nga ubos sa P15.18 trilyon nga natala niadtong Pebrero.
Gikan sa kinatibuk-ang utang sa gobyerno, ang external debt moabot sa P4.71 trilyon o katumbas sa 31.36% samtang ang internal debt moabot sa 68.64% o katumbas sa P10.31 trilyon.
Ang internal nga utang misaka og P31.01 bilyon niadtong Abril human ang gobyerno nag-isyu og dugang mga securities.
Ang paghuyang sa peso midugang usab og P3.78 bilyones sa foreign-currency-denominated domestic debt.
Kahinumduman nga daghang utang ang nasud sa kataposang bahin sa termino ni Presidente Rodrigo Duterte aron pondohan ang pagtubag sa pandemya niini ug mapadayon ang proyekto sa imprastraktura sa administrasyon.
