Napalgan nga wala na’y kinabuhi ang 55-anyos nga lalaki sa usa ka bangko sa Kalubihan sa ibabaw sa rooftop diin asa kini nagtrabaho sa may P.Del Rosario corner Osmeña Blvrd. ning dakbayan sa Sugbo.
Giila ang biktima nga si Isidro Gedorio taga Alegria, Probinsya sa Sugbo ug nagtrabaho isip utility ug maintenance sa naasoy nga bangko.
Basi sa inisyal nga impormasyon nga nag-uban pa si Gedorio ug ang kapikas niini sa maong bangko gahapong adlawa pasado alas 12 sa udto ug giingong nananghid ang biktima sa iyang asawa nga mopahuway usa ug sa iyang naandan nga sa rooftop matulog matag oras sa iyang breaktime.
Apan natingala ang iyang pamilya nga wala kini nauli human sa oras sa iyang trabaho hinungdan nga nanawag kini sa mga security guards ug uban sa ilang anak nga nangita kay didto na nila nakit-an nga wala na’y kinabuhi ang 55-anyos.
Samtang, gipasusi sa edipisyo ang lawom nga hinungdan sa kamatayon ni Gedorio hilabi na nga anaa kini sa ilang pasilidad nga napalgan, ingon man sa paghatag usab og hinabang ngadto sa nahibilin nga pamilya.
Sa pakighinabi sa Bombo Newsteam kang “Lito” kabanay sa biktima nga posibleng gi-atake sa kasing-kasing apan padayon pa nga gipaabot ang resulta sa autopsy.
