Patay ang usa ka 47-anyos nga lalaki human misangpot sa pagpamusil ang panagbangi niini sa iyang 40-anyos nga pag-umangjon tungod sa panagbikil sa gugma sa sa Barangay Cuanos sa lungsod sa Minglanilla sa habagatang Sugbo niadtong Sabado sa gabii, Septiyembre 6, 2025.
Gikatahong nagduwa og billards ang biktima sa dihang nahitabo ang insidente sa pagpamusil sumala pa sa usa ka testigo nga nakakita sa maong panghitabo.
Daling misibat ang suspek sa krimen apan napakyas kini tungod nakalusad dayon og hot pursuit operation ang kapulisan sa maong lungsod.
Giila ang suspek sa pangalang Klein Jay Obcial, usa ka construction work ug ang biktima nga si Richard Sanchez Cansancio, byudo na og uyuan sa mipatay kaniya.
Parehong lumulupyo sa maong dapit ang duha diin gitumbok nga tungod sa gugma ug selos ang ugat sa ilang lalis sa alegasyong adunay relasyon ng biktima sa kapuyo sa suspek.
Kasamtangang gihikay na ang kaso batok sa dinakpan samtang ang pamilya sa biktima kay nagbangotan sa kalit nga panghitabo.
