PROVINCE OF CEBU- Patay ang usa ka 52 anyos ng lalaki, human kini gipusil sa iyang pag-umangkon sa Sitio Tipolo, Brgy Mabasa lungsod sa Argao kagabie, Marso 16, 2025.
Ang biktima giila nga si Dindo Datuin Solis, 52 anyos samtang ang suspek giila nga si Sany Solis hingkod ang pangidaron og puros residente sa naasoy nga lugar.
Sa insisyal nga imbistigasyon sa kapulisan sa Lungsod sa Argao aduna nay karaan nga panagbangi ang duha.
Atol sa panghitabo ang biktima ug ang saksi nga si Jegger Lopez, 12 anyos ug anak sa biktima nagsakay sa ilang motorsiklo gikan sa Sitio Sayao sa samang barangay paingon sa ilang pinuy-anan.
Sa pag-abot sa dapit sa nahitaboan, gipahunong sa suspek ang biktima ug niingon nga “gahi ka tiyo”, dayon gipusil ang biktima sa dughan ug ulo gamit ang revolver nga maoy hinungdan sa hinanaling kamatayon sa biktima.
Nasikop ang suspek sa hot-pursuit operation sa mirespondeng mga personahe sa Kapulisan sa Argao.(With Reports of Bombo Jhairah Camello)
