CEBU – Kanselado na ang tanang vacation leave sa tanang Cebu City Disaster Risk and Management Office personnels aron masiguro nga adunay igong manpower nga motubag sa mga dili maayong insidente atol sa Semana Santa.
Kini ang gikabutyag ni CDRRMC Chairman Atty Jerry Carillo ug anaa na sa red alert ang disaster office sulod nianang semanaha hangtod sa pagtapos sa relihoyosong kalihokan.
Tataw pa ni Carillo, nga tungod sa kainit sa panahon ilang gilauman ang posibilidad nga modaghan pa ang insidente sa sunog basi nausab kini sa ilahang kasinatian sa milabay nga Semana Santa.
Apan, malaumon kini nga sukwahi lang unta gumikan nakasinati man sa pagkakaron ang dakbayan og pag-uwan uwan.
Aduna usay daghang campaign sorties nga gitakda bisan panahon sa Semana Santa nga gikinahanglang tubagon.
Tungod niini, anaa sa red alert ang buhatan ug walay gitugotan nga kawani ang magvacation leave gumikan kinahanglan nga tanan on duty.
