CEBU – Gisiguro sa Visayan Electric Company (VECO) nga adunay ‘stable’ nga power supply alang sa mga polling centers sa Metro Cebu sa umaabot nga pinili-ay.
Gibutyag ni Engr. Raul Lucero, ang presidente ug Chief Officer (COO) sa VECO nga nakigpulong na kini sa mga opisyal sa Department of Education (DepEd) Central Visayas diin ilahang gihisgutan ang preparasyon sa naghinangat nga eleksyon.
Matud pa, ilahang gisiguro ngadto sa mga opisyal sa DepEd ug sa mga nagkadaiyang tunghaan nga adunay pa-igo nga supply sa kuryente alang sa May 9, 2022 elections.
Samtang, gilauman usab nga mutabang ang VECO sa mga nagkadaiyang hingtungdang ahensya sa gobyerno sa pag-ila ug pagsulbad sa mga problema sa kuryente sa mga tunghaan nga gamiton isip mga polling centers.
Sa gipahigayon nga pakigpulong, giingong adunay pipila ka mga tunghaan nga nagkinahanglan ug pag-repair sa ilahang mga electrical wirings, butang nga hatagan ug pagtagad sa VECO.
