Human sa pagmando ni Trump sa pag-atake sa mga military sites sulod sa Venezuela gahapon, Sabado, Enero 3, gidakop usab sila si Venazuelan President Nicolás Maduro ug ang iyang asawa niini nga si Cilia Flores, ug gidala na Puerto Rico.
Apan, matod pa, kini nga mga panghitabo dili ura-urada kay kini gikalambigitan sa 160th Special Operations Aviation Regiment (Airborne), ug special forces sa Estados Unidos.
Ingun man nga aron mahimong legal ang ilahang mga kalihokan, anaa usab ang Drug Enforcement Administration (DEA) sa Estados Unidos, kung diin gisikop si Maduro tungod kay indicted kini sama sa Cocaine, drug distribution, terrorist activities sa New York niadtong 2020 pa.
Mao kini ang nahimong asoy ni Rufino Pinoy Legarda Gonzales ang Bombo International Correspondent (BINC) sa Houston Texas, atoll na sa ekslusibong pakighinabi sa Bombo Radyo Cebu Newsteam kaniya.
Gani, gidugang pa ni Gonzales nga ang maong mga kalihokan ni Maduro nagpadayon ra ug wala gayud mabarda sama sa pagpang apod-apod ug pagpadala sama sa mga cocaine ngadto sa Amerika.
Nahisgutan usab niya ang mga ang mga pag atake sa Amerika ngadto sa speed boats sa Venezuela, nga nagpunting usab sa mga paghatag og “warning” ni Marudo ug tsansa nga mokanaog na sa iyang katungdanan aron aduna nay bag-ong liderato ang maong nasud, apan matod pa, wala kini panumbalinga ni Marudo hinungdan nga miresulta sa pagsikop na niini.
Gitataw usab ni Gonzales nga sa ka oras sa wala pa gidakop si Marudo sa mga special forces, niabot ang 5 ka mga Chinese officials ngadto kang Marudo aron sa pagsenyas og “warning” nga mokanaog na sa iyang gahom, apan wala kini motuo kay nisalig kini sa iyang mga guwardya, apan ang iyang mga guwardya dili mga Venezuelan Military kondi mga Cuban Military.
