CEBU CITY-Gi-kwestyon sa usa ka vendor nga si Debbie Gonzaga kinsang namaligya og pagkaon ug mga sud-an ang patakaran sa pagpamaligya nila sa night market.
Kini human nga gidakop matud pa si Gonzaga ni Racquel Arce ang pangu sa Probe Team gumikan kay wala siyay ID nga magpamatuod nga gitugutan siya nga makabaligya sa night market ug sigon pa nga gisobornohan niini ang mga sakop sa Probe.
Pagtino ni Gonzaga nga kapin semana na siya nga namaligya sa night market ug gihimakak niini nga iyang gitagaan og soborno ang mga sakop sa Probe. Apan gipasabot niini nga nakaila na niya ang Probe team nga kanunay nga mudakop kaniya ug kung mukaon kini sa iyang baligya dili na kini niya pabayron sa eksaktong kantidad inay katunga lamang sa bayad.
Samtan ang kabahin usab sa ID, gihimug-atan ni Gonzaga nga daghan usab sila ang walay ID apan siya lamang ang gidakop. Miadto na usab siya sa Market Administrator Office aron mangayo og ID apan gipasa siya sa Probe.
Sa dihang mi-adto usab kini sa Probe, giingnan siya nga gawas na ang Probe niini.
