CENTRAL VISAYAS-Posibli nga makabalhin na unya sa mas lapad ug hamugaway nga venue ang mga buhatan sa Commission on Elections (Comelec) panahon sa filing sa certificate of candicacy (COC) harun nga ma accommodate ang taas nga ihap sa mo file, ug harun nga mas mo paspas susama sa pagbalhin niini sa mga malls, gym, public places ug lain pang mga lugar alang sa filling sa COC para sa Sangguniang Kabataan ug Barangay Elections karong Oktubre 30, 2023.
Kini ang gibutyag ni Omar Shariff Dilangalen Mamalinta, spokesperson sa Comelec Cebu Province kon maaprobahan sa Comelec en banc atol unya ilang umaabot hearing para ang mga dagkong lungsod ug siyudad matugotan nga makabalhin sa ilang venue para mapadali ang pagsang-at sa ilang kandidatura.
Matud pa ni Mamalinta, spokesperson sa Comelec Cebu Province nagkanayon nga dili na unya ma-problema ang lungsod sa Tuburan, Argao, Cebu City, Toledo City ug ubang dagko nga siyudad sama sa Mandaue, Talisay ug Lapu-Lapu City.
Dugang pa usab nga andam na ang buhatan sa Comelec Nationwide alang sa umaabot Barangay ug SK election susama sa pagdelete sa mga botante nga ni taliwan na, pag-identify sa mga voters nga ni file ug registration kausa ug kadaghan ingun man ang mga ni transfer.
