Cebu City- Kapin sa 100 nga mga videos sa mga trainings ug executions sa gipangbuhat sa teroristang grupo ang narecover sa mga cellphones nga nakuha gikan sa 4 ka mga Abu Sayyaf members nga namatay atol sa unang engkwentro sa Lungsod sa Inabangga sa probinsya sa Bohol.
Matud ni CIDG 7 head-Supt. Royina Marzan Garma nga ang maong mga videos ang gituohan nga iya sa teroristang ISIS diin makita sa video ang mga trainings nga ilang gipahigayon sa ilahang mga bag-ong recruits. Matud pa ni Garma nga pipila usab sa mga videos ang kuha gikan sa Abu Sayyaf Operations sa Mindanao.
Gawas sa mga Videos ug Muslim Songs, retrieve usab sa cellphone ang mensahe gikan sa terrorist leader nga si Osama bin Laden. Gituohan naman sa mga kapulisan nga gigamit ang mga video arun ipakita sa ilang mga miembro kung unsa sila ka kusgan sa paghimo ug mga terorist attacks batok sa mga European ug American countries.
Samtang gikumpirma naman sa kapulisan ang plano nila Supt. Ma. Christina Nobleza ug Renier Lou Dungon nga pag rescue sa 17 anyos nga ASG member nga si Said Santos. Matud ni Garma nga base sa conversation nga narecover sa cellphone nga gilabay ni Nobleza , dunay text message sila Nobleza ug usa ka alyas Kulot diin ilang giplanuhan ang pag rescue ni Said.
Si Said ang anak sa usa ka bombo expert nga napreso na karon sa Bicutan, ug igsuon usab sa 13 anyos nga kauban nila Nobleza sa dihang nasikop sila sa mga kapulisan sa bayan ng Clarin
