Nagpagawas og mensahe ang aktres ug kasamtangang Gobernador sa Batangas nga si Vilma Santos-Recto aron pagklaro nga maayo ang iyang kahimtang taliwala sa mga isyu nga giatubang sa iyang pamilya.
Sa usa ka video nga gi-post sa iyang opisyal nga panid sa Facebook, gipasalamatan ni Santos ang iyang mga “Vilmates” sa ilang padayon nga suporta ug pag-ampo alang kaniya ug sa iyang bana, si Executive Secretary Ralph Recto.
Sumala sa beteranong aktres-politician, nag-atubang sila karon og pipila ka mga problema, apan iyang giklaro nga dili angay mabalaka ang publiko tungod kay nagpadayon sila sa pagtuman sa ilang katungdanan alang sa mga Batangueño.
Giingon usab niya nga ang mga isyu sa politika dili bag-o alang kanila, apan mapasalamaton sila sa padayon nga suporta ug pag-ampo sa publiko.
Gihisgutan usab sa Gobernador nga ang pagtuo ug panaghiusa importante taliwala sa negatibo, ug gidasig ang iyang mga tigpaluyo nga magpabilin nga positibo.
