Kuhaon sa Land Transportation Office (LTO) ang lisensya sa usa ka driver nga nag-viral human nangulata sa iyang kaubang motorista sa Cainta, Rizal.
Diin, sa pagkuha sa lisensya sa LTO niini, hangtud na kini sa hangtud o “lifetime,” hinungdan nga nakapakurat kaniya ug nakapa-emosyonal kaniya.
Ang driver nga nangulata na ilhan nga si Mike, diin iyang gikabutyag sa interbyu nga “Habambuhay, ma’am, ang sabi nila, magpa-ano raw sa abogado. Abogado, wala akong pera, ma’am. Mahirap lang kami.”
Mahinumduman nga ang insidente nag-viral human nakuhaan og video si Mike nga nagsumbag sa iyang kaubang drayber, kinsa mibunot og baseball bat.
Sumala ni Mike, nagsugod ang away tungod kay giingong giduso ang iyang sakyanan sa dalan, nga misangpot sa panaglalis ug bayolenteng aksyon.
“Habang papaandar ako, ma’am, nakita ko ‘yung baseball bat ‘yung binunot niya. Sabi ko, sa isip-isip ko, buti baseball bat lang. Ngayon, akala ko hindi papalo. Pumunta siya ng gitna, ma’am. Inabangan niya ‘yung pagdaan ko. Pinalo niya ng ganiyan ‘yung kotse ko, ma’am,” pasabot ni Mike.
Tungod niini, nanaog siya sa pikas drayber ug gisumbag siya. Human sa insidente, nangayo siyag pasaylo: “Sir, pasensiya ka na talaga, sir. ‘Di ko naman talaga gusto mangyari sa iyo… Talagang na-trigger na lang din ako.”
Apan wala nakombinsi ang LTO sa iyang pagpasabot, ug sumala ni Assistant Secretary Markus Lacanilao, klaro nga gipakita sa video nga gigukod ni Mike ang pikas drayber ug nabanggaan siya.
Ang nasamdan nga drayber nagpadala og medical certificate sa LTO, apan nagpadayon pa ang imbestigasyon alang sa ubang mga kalapasan nga nakit-an.
Sumala sa mga alegasyon, hubog siya samtang nagmaneho, wala’y rehistrasyon ang sakyanan, ug peke ang plaka ug gikiling aron dili makuhaan sa mga NCAP camera.
