Nisang-at og reklamo ang Quezon City Police District (QCPD) og ‘inciting to sedition’
sa usa ka pulis nga nag-viral online tungod sa iyang ‘partisan remarks’ human sa pagkasikop ni kanhi Presidente Rodrigo Duterte.
Giingong nakalapas si Patrolman Francis Steve Tallion Fontillas sa Article 142 ng Revised Penal Code in relation to the Cybercrime Prevention Act of 2012.
Kini subay sa miaging mga video post ni Fontillas, iyang gikwestyon ang pagdili sa ilang mga pulis sa pag-post, pag-share, ug pagkomento kalabot sa pagkasikop sa kanhi Presidente. Iya usab nga gisaway ang mga dagkong opisyal sa Philippine National Police (PNP), partikular na sila si Heneral Nicolas Torre III ug Presidente Ferdinand Marcos Jr.
Sumala sa Philippine National Police, si Fontillas nadestino sa District Personnel and Holding Admin Section sugod niadtong Pebrero 20, 2025 apan nag-AWOL o ni-absent nga walay official leave sugod niadtong Marso 6.
Apan, sa gi-share nga post sa FB, gikwestyon ni Patrolman Fontillas ang reklamo nga gisang-at batok kaniya ug niinsister nga nagpadayag lang siya sa iyang baruganan ug prinsipyo.
Iya usab nga giklaro ang pasangil nga nag-AWOL siya pinaagi sa pag-post sa kopya sa iyang aplikasyon alang sa 10 ka adlaw nga bakasyon gikan Marso 6 hangtod 9 nga iyang gisumite niadtong Marso 5.
Matod niya giaprobahan ug gipirmahan kini sa ilang chief administrator.
Gitug-an usab sa pulis nga diha ang iyang asawa dihang nisumiter sa iyang aplikasyon alang sa leave.
Sa laing bahin, ang QCPD nagpahinumdom sa ilang mga personahe nga magpabiling apolitical ug non-partisan sa tanang panahon ug likayan ang pag-post og dili awtorisado ug biased contents sa social media ug uban pang communication platforms.
