Cebu City-Gipasabot ni Dr. Rene Catan ang head sa Provincial Health Office (PHO) ang nahitabo sa nagviral nga video kun diin makita ang usa ka pasyente nga naligo sa kaugalingong dugo nga daw sama gipasagdan lang sulod sa hospital ug sigon sa video nga nagpinal na kay wala tabangi dayon sa mga doktor ug mga nurses.
Sa exclusive interview sa Bombo Radyo Cebu kang Dr. Catan, gisaysay niini nga nahitabo kadto niadtong Pebrero 8 sa Tuburan District Hospital kung diin ang pasyente nga si giilang si Jimby Casas gidala sa maong tambalanan sa usa ka pulis pasado alas 9 na sa gabii.
Kini basi usab sa ilang initial investigation sa chief of hospital sa maong tambalan nga si Dr. Esteban Ligaray kung diin atol sa pag-abot sa pasyente gidayon kini og atiman sa mga doktor ug sa mga nurses sanglit nakahi-agom kini og multipile gunshot wound, igo sa liog, paa ug dughan.
Sige matud pa kini og lihok ug mangluwa hinungdan nga nangatras usa ang mga nurses. Ang video nga nakita,mao na kini matud pa ang pag atras sa mga nurses ug sa doktor. Gidapatan na matud pa kini og treatment ug gani ang doktor nga makita sa video ang giingong nagpreparar.
Sigon pa usab ni Dr. Ligaray nga girekomendar nila nga i-transfer ang pasyente sa Balamban ug lahos sa Vicente Sotto Hospital apan nakabsan kini sa iyang kinabuhi.
Gitataw usab ni Catan nga ang mga nag-estoryahay sa background sa Video dili matud mga staff sa hospital. Lisod matud pa i-kontrol ang paglimit sa musulod sa ER tungod kay naa usab mga kabanay sa pasyente nga mamugos nga musulod ug tungod kay grabe na ang impluwensya sa social media karon ug dili na malikayan nga naay magvideo.
Ang bugtong sayop lang matud pa sa maong panghitabo mao ang mismong video sanglit “out of context” man kini
Hayan mao kini karon ang ilang padayong gisuta kung kinsa ang nagkuha sa maong video ug kung kinsa ang nag-upload niini. Sa kasamtangan suspended usa ang mga nurses nga naatol sa maong panghitabo.
