CENTRAL VISAYAS-Gitawag sa Visayas Command ang CPP-NPA nga ‘usa ka hulga ug usa ka manunukob nga mobiktima sa mga batan-on sa ilang panghunahuna’ human sa pagkumpirmar nga usa sa mga NPA ang napatay sa bag-ong engkwentro sa Brgy Campagao, Bilar, Bohol usa ka batan-ong abogada nga gikan sa Sugbo.
Giila kini nga si Hannah Jay Cesista aka Maya ug Lean, usa sa lima ka teroristang NPA nga namatay sa armadong engkwentro batok sa hiniusang elemento sa Bohol Provincial Police Office ug 47th Infantry Battalion niadtong Pebrero 23.
Gani mipadayag sa iyang kasubo si Lieutenant General Benedict M Arevalo, ang Commander sa VISCOM sa pagkawala sa laing Pilipino ug ingon man ang kalagot niini sa mga teroristang grupo gumikan sa mga pag-awhag sa mga kabatan-onan sa ilang hanay.
Gipahayag niini ang ilang kinasingkasing nga pahasubo ngadto sa pamilya ug mga minahal sa kinabuhi ni Cesista.
Nasayran nga si Hannah Jay gikan sa Catubig, Northern Samar, nagtuon sa iyang preparatory course sa abogasiya sa University of the Philippines – Cebu ug nahuman niini ang iyang kurso ug nahimong abogada huamn kini nakapasar sa 2023 BAR Exam.
Ingon man nga aktibo kining miyembro sa Anakbayan Cebu ug pagkahuman sa National Union of Peoples’ Lawyers, nahimo kining full-time nga miyembro sa CPP-NPA niadtong 2023.
