CENTRAL VISAYAS-Gipa-uswag sa Visayas Command (VISCOM) ang kapabilidad niini sa mga peligro ug pagtubag sa katalagman sa rehiyon pinaagi sa pagpahigayon sa Chemical, Biological, Radiological, Nuclear, and Explosive (CBRNE) Training Exercise ug Humanitarian Assistance and Disaster Response (HADR) Training Exercise uban sa United States Marine Corps (USMC).
Matod ni Lieutenant General Benedict M Arevalo PA, ang Commander sa VISCOM, nga Kini nga mga pagbansaybansay siguradong makapauswag sa ilahang katakus sa pagtubag sa bisan unsang mga hulga ug peligro.
Makatabang usab kini sa mga kasundaluhan sa pagbuhat sa ilang mga katungdanan uban ang kaepektibo, samtang nagsiguro sa kaluwasan ug kaayohan sa katawhan sa rehiyon sa Visayas.
Ang duha (2) ka pagbansaybansay adunay gidugayon nga napulo (10) ka adlaw nga nagsugod niadtong Hulyo 10, Kini kabahin sa lima (5) ka hiniusang interoperability training nga mga kalihokan nga gipahigayon sulod sa operational area sa VISCOM ubos sa Marine Aviation Support Activity ( MASA) 2023.
Dugang pa, nga ang CBRNE ug HADR training exercises gipasiugdahan sa USMC uban ang tumong nga mahatag ang kapasidad sa mga partisipante sa mga teknik ug pamaagi sa pagtubag sa lain-laing matang sa hulga ug peligro, ingon man pagpalambo sa panaghigalaay ug interoperability tali sa USMC ug sa mga personahe sa VISCOM.
Ang mga pagbansaybansay nga gipahigayon sa classroom instruction ug practical exercise approaches gisalmotan sa mga personahe sa Health Service Center – Central, organic personnel sa VISCOM, ug personnel gikan sa ubos nga units sa VISCOM.
Gipasalig ni Lt Gen Arevalo ngadto sa katawhan sa rehiyon sa Kabisay-an, nga kasaligan ang Armadong Kusog sa Kabisay-an, ug gikinahanglan nga padayon nila nga pauswagon ang mga kapabilidad, ug ihatag sa katawhan ang labing maayo nga performance sa ilahang mandato.
Kung diin ang MASA 2023 usa ka bilateral training exercise nga nagtutok sa pagpahigayon sa capacity enhancement training aron mapalambo ang kapabilidad ug interoperability sa mga alyado nga pwersa dili lamang sa territorial defense kondili sa mga hazards ug disaster response operations.
