CENTRAL VISAYAS-Gusugdan na sa Visayas Command sa Armed Forces of the Philippines (AFP) ang pagpadala ug dugang tropa gikan sa Eastern Visayas ngadto sa Negros Oriental, aron masiguro ang malinawon ug hapsay nga Barangay ug Sangguniang Kabataan Elections (BSKE) sa Oktubre 30, 2023.
Matud ni Viscom commander Lieutenant General Benedict Arevalo, kontrolado na ang peace and order situation sa Negros Oriental, apang indi ini dapat isikway.
Moabot sa 120 ka personnel o upat ka platun ang ipadala sa Negros Oriental aron ilusad ang law enforcement operation uban sa koordinasyon sa kapulisan ug Commission on Election (Comelec).
Kini subay sa giluwatan nga pamahayag ni Comelec Regional Director Lionel Marco, nga adunay 549 ka clustered voting centers sa Negros Oriental nga pagadumalaon sa kapulisan ug militar.
Ang tibuok Negros Oriental gipaubos na sa Comelec control, nagpasabot nga ang ahensya maoy magbuot sa pagdesisyon kon pila ka polis ug military officers ang gikinahanglan, ug mahimo usab nilang ibalhin ang mga security personnel hangtod sa 50 metros gikan sa mga lugar nga botohan.
Base sa datus sa Regional Joint Security and Control Center, ang Negros Oriental adunay siyam ka barangay nga ubos sa Comelec watchlist, walo niini ang gitudlo nga Areas of Immediate Concern tungod sa presensya sa New People’s Army ug usa isip Area of ??Concern tungod sa sa grabeng panag-indigay sa politika.
