CEBU CITY-Gikalipay ni Cebu City Vice Mayor Michael “Mike” Lopez Rama ang solusyon ni Presidente Rodrigo Duterte alang sa traffic sa Sugbo nga mao ang train.
Kini atol usab sa nahimong speech ni Duterte sa pagtambong niini sa Sinulog 2020 festival.
Matud ni Rama nga mao kini ang butang nga ilang pagalantawon ug ingon man gidayeg niini ang pagkasensitibo sa presidente sa paghatag og solusyon para sa Cebu.
Apan gitino sa bise mayor nga wala siyay problema niini basta dili lang madaot ang “heritage cite” sa Sugbo butang nga una na nga gi-acknowledge usab sa presidente. Kini na matud pa ang panahon subay sa nagsingabot nga 500 years nga kasaulugan sa Kristyanismo sa Sugbo nga kalimtan na ang kagahapon ug lantawon ang kaayohan sa kaugmaon.
‘Gising Pilipinas’
Sa laing bahin sa issue usab sa iligal nga drogas, human namention ni Duterte nga daghan pa gihapon og shabu ang Sugbo gumikan sa police nga mga protektor niini.
Gihimug-atan ni Rama nga mao kini ang iyang gipakigbisogan nga matud pa ‘Gising Pilipinas’ hinungdan nga mi-awhag kini sa publiko nga kitang tanan ang angay magpakabana sa pagsalbar sa Pilipinas aron dili mahimong ‘Republic of Shabu’. | reports from Suzzette B. Rafols
