Nawala na sa hingpit ang kanhing seryuso nga alyansa nila ni Bise Presidente Sara Duterte ug Presidente Ferdinand Marcos Jr. human gidirekta pagpanawagan sa bise presidente nga mobiya sa posisyon ang presidente atol sa usa ka rally uban sa iyang mga suportador sa Quezon City.
Nahitabo kini pagkahuman sa pagkalangan sa iyang arraignment sa Quezon City Regional Trial Court alang sa kasong grave threats nga giatubang batok kaniya, diin gipasangil nga giingong gihisgutan niini ang pagpapatay kang Marcos, First Lady Liza Marcos, ug sa kanhing Speaker Martin Romualdez kon siya man gani ang patyon.
Giakusahan ni Duterte ang presidente nga maoy tinubdan sa iyang mga legal nga kalisdanan, nga walay utang nga kabubut-on sa tawo, ug giputos pa sa pagsaway nga “adik” kini kansang ang panghuna-huna wala na sa reyalidad.
Nagkanayon si Duterte nga dili siya makapabilin nga hilom samtang nakasaksi sa pag-antos sa katawhan, gikan sa epekto sa baha hangtod sa taas nga presyo sa palaliton, ug giawhag ang iyang mga tigpaluyo nga padayon nga molihok alang sa kaayohan sa umaabot nga mga henerasyon.
Bisan pa man sa ilang hiniusang pagdaog sa landslide election pinaagi sa UniTeam tandem niadtong 2022, ang ilang relasyon padayon nga nagkagrabe duyog sa mga nagkadaghang tensyon lakip na ang impeachment trial batok kang Duterte ug ang pag-aresto sa International Criminal Court sa iyang amahan nga si kanhing Presidente Rodrigo Duterte.
Apan, sa maong panawagan sa bise prisente, daling gikuwestiyon sa prosecution panel sa House ang publikong panawagan sa Bise Presidente.
Matod ni Lanao del Sur Representative Zia Alonto Adiong, adunay klaro nga potensyal nga conflict of interest niini nga panawagan, tungod kay si Duterte mismo ang mahimong nag-unang makabenepisyo ug maoy mopuli sa pagka-presidente kung mo-resign ang Presidente.
Gisaway usab ni kanhi Surigao del Norte Representative Ace Barbers ang pahayag sa Bise Presidente, nga nag-ingon nga bisan pa man og aduna siyay katungod sa pagpahayag sa iyang opinyon, kinahanglan gihapon niyang tahuron ang due process ug legal nga mga pamaagi kalabot sa mga kaso nga iyang giatubang.
