Gipahibalo sa Impeachment Court nga ang impeachment trial ni Vice President Sara Duterte magsugod sa Hulyo 6, alas 2:00 sa hapon sa Senado.
Gimandoan ang Bise Presidente nga motambong sa personal o magpakita pinaagi sa iyang legal nga abogado sa pagsugod sa husay.
Sa samang pahibalo, giabisuhan usab ang Senate of the Philippines nga andam na sa pagpadayon sa impeachment proceedings subay sa gitakdang iskedyul, samtang ang House of Representatives of the Philippines gipaandam usab sa pagpresentar sa ilang kaso isip prosecutors sa impeachment trial.
Kung diin, ang Senate molihok isip impeachment court nga motimbang sa mga alegasyon batok sa Bise Presidente ug magdesisyon base sa ebidensya nga ipresentar sa duha ka kampo.
Ang impeachment trial ni Bise Presidente Sara Duterte kabahin sa opisyal nga proseso sa Konstitusyon sa Pilipinas, diin ang House of Representatives of the Philippines ang mo-file ug impeachment complaint, ug ang Senate of the Philippines ang molihok isip impeachment court.
