Nagpadayag sa iyang pasalamat si Vice President Sara Duterte human personal nga mitambong sa Quezon City Regional Trial Court karong Biyernes, Oktubre 9, alang sa gikatakdang arraignment sa iyang mga kasong grave threats.
Apan, wala madayon ang arraignment tungod sa pending nga petisyon nga gisang-at sa iyang kampo, nga nagtinguha nga mapahunong ang mga proseso sa kaso.
Ang bise presidente nag-atubang og tulo ka counts sa grave threats nga may kalabotan sa iyang mga pahayag atol sa usa ka online press conference niadtong Nobyembre 2024.
Kahinumduman, nga ang VP miingon siya nga adunay iyang gikontak aron mopatay kang Presidente Ferdinand Marcos Jr., First Lady Liza Araneta-Marcos, ug kanhi House Speaker Martin Romualdez kon adunay mahitabo kaniya.
Ang kaso gisang-at sa Department of Justice niadtong Agosto 2026. Una nang nag-post og piyansa si Duterte human ipagawas sa korte ang warrant of arrest batok kaniya.
Padayon pa nga gihulat ang aksiyon sa korte sa pending nga petisyon sa iyang kampo, nga mahimong makaapekto sa pagpadayon sa arraignment ug sa sunod nga mga proseso sa kaso.
