Giangkon ni Bise Presidente Sara Duterte nga wala siya nakakita og kalig-on sa kasamtangang mga institusyon sa gobyerno, nga mas napalalom pa sa pagtay-og sa liderato sa House of Representatives ug Senado.
Sa iyang pahayag, giingon ni Duterte nga gubot ang dagan sa administrasyon tungod kay walay klaro nga panglantaw, direksyon, o plano alang sa katawhan.
Gikabalak-an sa Bise Presidente ang posibleng impluwensya niini sa kasiguruhan sa nasud ug sa pagsalig sa katawhan sa mga institusyon sa gobyerno.
Sa laing bahin, gibutyag ni VP Sara nga nagpadayon ang pagpangulitawo sa iyang personalidad sa Partido Demokratiko Pilipino (PDP) nga gusto siyang padaganon sa 2028 elections.
Apan klaro ang tubag sa Bise Presidente wala siya’y interes sa maong tanyag.
Gipasabot usab ni Duterte nga gusto niyang likayan ang kalibog sa politika ug magpabiling prangka ug limpyo ang iyang intensyon sa serbisyo publiko.
Giila usab sa Bise Presidente nga ang Hugpong ng Pagbabago (HNP) nga iyang gitukod, magpabiling regional party sa Davao Region.
