Giangkon ni Bise Presidente Sara Duterte nga nawad-an kini og gana sa pagtubag sa pangutana sa mga kongresista, bisan pa sa awhag sa kadaghanan nga depensahan ang pundo sa Office of the Vice President (OVP).
Matod ni VP Duterte, wala niya makita ang bili sa pagdepensa sa maong pundo tungod kay sa kataposan gimaniobra kini sa duha ka opisyal sa Ubos Balay Balauranan nga sila si Speaker Martin Romualdez ug Rep. Elizaldy Co.
Dugang niini nga kawat sa oras lang ang pagtubag samtang kompleto na ang direksyon kung asa paingon ang budget.
Ingon man nga gisaysay niini ang nakapait sa maong panghitabo gumikan nakigkunsabo ang liderato sa Kamara sa mga walhong grupo aron lang isabotahe ang iyang mga programa sa OVP.
Gibutyag usab sa opisyal ang plano nga wagtangon na gayud ang laing bahin sa ilang pundo, bisan og maayo kining gidepensahan sa miaging tuig.
Ang bise presidente midugang nga adunay sumbanan sa pag-atake kaniya nga nagsugod sa mga hungihong, mga miting ug paggamit sa mga impluwensya sa mga opisina sa gobyerno aron mahimo siyang target sa pag-atake.
