Nihangyo si ngadto sa Korte Suprema si VP Sara Duterte nga ibasura ang motion for reconsideration (MR) nga gisang-at sa House of Representatives.
Ang nasangpit nga MR nga gisang-at sa Kamara nahitabo human gi-invalidate sa SC ang articles of impeachment batok sa bise presidente.
Base sa 27 ka pahina nga komento, ang MR nga gisang-at sa House of Representatives gikonsidera nga lack of merit.
Ang MR sa Kamara nag-alegar nga ang desisyon sa SC adunay mga sayup nga kamatuoran, nga naghimo sa ikaupat nga impeachment nga kompleto kung itandi sa niaging tulo.
Apan, ang Bise Presidente niinsister nga daw nagpakabuta-bungol ang Kamara sa desisyon sa labaw’ng hukmanan ug tataw nga diversion lang kini.
Kahinumduman nga niadtong Hulyo, gibabagan sa SC ang impeachment trial sa Senado tungod sa paglapas sa probisyon sa pagpasaka og kapin sa usa ka reklamo sulod sa usa ka tuig.
Samtang niadtong Pebrero, ang House of Representatives nisang-at og impeachment motion batok kang VP Duterte tungod sa korapsyon, fraud, ug assassination plot batok kang Presidente Ferdinand Marcos Jr.
