Gipasiugda ni kanhi Presidential Legal Counsel Salvador Panelo ang kaandam sa kampo ni Bise Presidente Sara Duterte sa pag-atubang sa impeachment trial batok kaniya.
Matod ni Panelo, andam na ang legal team ni VP Sara sa gubot nga pagdungog, ug iya gyud kining atubangon uban ang pahiyom, kaisog, ug igong katakos.
Sa samang higayon, misaway usab ang tigpamaba ni kanhi Pres. Rodrigo Duterte nga ang mga magbabalaod wala magtahod sa tingog sa katawhan ug sa hangyo ni Pres. Ferdinand Marcos Jr. nga hunongon ang maong lakang kay magpahinabo lang kini og pagkabahinbahin ug dili makabenepisyo sa mga Pilipino.
Matod pa niya nga gilaumang magkahiusa si VP Sara ug dili na bag-o ang pagdali sa proseso tungod kay ang giingong ‘anti-forces’ adunay numero o igong numero.
Gitataw ni Panelo nga walay laing katuyoan ang impeachment kon dili ang pagguba ug pagdaot sa dungog ni VP Sara ug hingpit nga ma-disqualify siya sa 2028 presidential elections, isip mayor nga kandidato.
Nagtuo ang abogado nga ang lakang sa mga kongresista makadugang lang sa suporta nga madawat ni VP Sara gikan sa katawhang Pilipino.
Masaligon usab si Atty. Matod ni Panelo nga walay kahulogan ang mga basehan sa impeachment nga gilatid sa mga magbabalaod batok sa bise presidente.
