Gipaambit ni Bise Presidente Sara Duterte nga ang iyang pagkanaog isip secretary sa Department of Education dili tungod sa kahuyang kondili tungod sa pagpakabana sa mga magtutudlo ug estudyante.
Kini mao’y gipasiugda sa Bise Presidente sa iyang video ngadto sa media human gikompirmar ang iyang pagbuhi sa posisyon sa gabinete human sa 2 ka tuig sa katungdanan.
Matod ni VP Sara, iyang gisumiter ang iyang resignation ngadto kang Presidente Ferdinand Marcos Jr. gahapon, Hunyo 19, nga gidawat usab sa Presidente.
Kini human sa 30 ka adlaw nga pahibalo alang sa hapsay nga pagbalhin sa gahom ngadto sa sunod nga kalihim sa Department of Education.
Sa pakigpulong ni VP Sara, niingon kini nga bisan og dili na siya ang acting secretary sa edukasyon, iya gihapong bantayan ug barogan ang kaayohan sa mga magtutudlo ug estudyante sa nasud.
Gipasalamatan usab ni Duterte ang mga partner agencies sa gobyerno, lokal nga kagamhanan, private sector partners ug kinsa iyang giisip nga pamilya sa DepEd.
Ingon man nga wala gihisgutan sa Bise Presidente ang rason sa iyang pagluwat isip DepEd Secretary.
Samtang, gawas niini, ni-resign usab ang ikaduhang presidente isip Vice Chairperson sa National Task Force to End Local Communist Armed Conflict (NTF-ELCAC).
Kon kahinumdoman, gusto ni VP Sara nga matudlo isip secretary sa Department of National Defense (DND) apan gihatagan siya sa Presidente sa posisyon isip secretary sa DepEd.
