Gimandoan sa Senate Impeachment Court si Bise Presidente Sara Duterte nga motambong sa pagsugod sa iyang pagdungog sa Lunes, Hulyo 6.
Kon dili ang bise presidente mismo, ang iyang legal team mahimong morepresentar kaniya.
Sa imbitasyon nga gipadala sa korte ngadto sa bise presidente, gihangyo sila nga motambong sa pagsugod sa trial nga gikatakdang ablihan sa alas 2 sa hapon.
Kini ipahigayon sa Senate Session Hall sa Pasay City.
Gimandoan usab ang bise presidente nga mosunod sa tanang mando, direktiba, ug desisyon sa Senado subay sa Konstitusyon ug kasamtangang mga balaod.
Bisan pa man nga gipasalig sa legal team sa bise presidente ang ilang kaandam sa pag-atubang sa trial, wala pa’y kumpirmasyon sa pagkakaron kon personal ba nga motambong si VP Sara sa maong adlaw.
