Gipasiugda ni Senador Risa Hontiveros nga ang Senado dili angay manalipod sa mga miyembro sa Kamara nga ubos sa legal nga responsibilidad o nag-atubang og mga warrant of arrest tungod sa mga heinous crimes.
Kini ang tubag sa senador sa dihang gipangutana bahin sa paghatag sa taas nga balay balauranan og protective custody kang Sen. Ronald Dela Rosa.
Matud niini nga walay balaod nga nagtugot sa Senado sa pagpanalipod sa usa ka senador gikan sa iyang legal nga responsibilidad o paglikay sa bisan unsang legal nga proseso.
Si Sen. Hontiveros usa sa mga senador nga nanawagan kang Sen. Dela Rosa nga boluntaryong mosurender sa mga awtoridad, human sa pag-isyu sa iyang warrant of arrest sa International Criminal Court (ICC).
Kini pinaagi sa Senate Resolution No. 395 nga gisang-at kagahapon, Mayo 12, 2026.
Si Hontiveros ug uban pang mga mipirma sa resolusyon nangatarungan nga ang Senado walay konstitusyonal nga awtoridad sa paghatag og ‘protective custody’ o ‘sanctuary’ sa bisan kinsa, batok sa legal nga pag-aresto, labi na sa mga seryoso nga kaso.
Sa sinugdanan, gihimakak kini ni Dela Rosa.
Karon, gikumpirma na nga ang kanhi hepe sa Philippine National Police (PNP), kinsa nagpabilin usab sa Upper House sulod sa pipila ka adlaw human sa iyang warrant sa ICC, mibiya na sa Senado.
