CEMNTRAL VISAYAS-Gitataw ni Regional Director Eduardo Montealto Jr., nga ang Disyembre 31 nga deadline mao ang gihatag sa Land Transportation Franchising and Regulatory Board ngadto sa mga operator sa traditional public utility jeepneys (PUJ) aron sila magkonsolida ngadto sa usa ka korporasyon o kooperatiba.
Pinaagi sa consolidation sa mga jeepney operators, mahimong ipatuman ang Fleet Management ug Single Dispatch System.
Ang pamahayag sa RD gitumong ngadto sa mga transport group nga bag-o lang nagprotesta sa gawas sa buhatan sa LTFRB nga nanawagan nga pugngan ang pagpahunong sa mga tradisyonal nga jeepney.
Sa pikas bahin, aron mapagaan ang palas-anon sa mga Public Utility Jeepney (PUJ) Operators sa nagkagrabeng pagsaka sa presyo sa lana, ang Land Transportation Franchising and Regulatory Board (LTFRB) padayong nanghatag og fuel subsidies nga P6,500 sa Traditional Jeep ug P10,000 sa Modern Jeep.
Apan, giklaru ni Montealto Jr., nga wala silay listahan sa mga pangalan sa mga drayber, mao nga ang subsidy adto diretso sa PUJ operators.
