CEBU CITY-Walay natalang dili maayong insidente ang tulo ka adlaw nga Regionalized Bar Examinations sa dakbayan sa Sugbo nga nahuman na niadtong Domingo, Septiyembre 24, 2023.
Gihulagway sa Police Regional Office sa Central Visayas (PRO 7) nga malinawon ug hapsay ang kalihokan nga gipahigayon sa University of San Carlos main campus ug sa University of San Jose Recoletos Basak campus nga gisalmotan sa 1,448 ka mga examinees.
Mokabat sa 200 ka mga pulis ang gipakatap sa kadalanan aron ipatuman ang pagdili sa kagamhanan sa dakbayan sa pag-inom ug anti-noise ordinance sulod sa 100-meter radius sa mga testing locations.
Sa pikas bahin si Atty. Mica Briones sa Korte Suprema ni-courtesy visit kang Mayor Michael Rama sa Cebu City Hall aron pagpasalamat sa iyang suporta.
