CEBU CITY-Misuwat si Cebu City Mayor Edgardo Labella ngadto sa tanang opisyales sa BIR, NBI, SSS, GSIS, PhilHealth ug uban pang ahensiya sa gobyerno nga i-suspenso ang tanang ‘walk-in’ nga transaksyon niini, inay gi rekomendar ‘online transaction’.
Kini ang subay sa bagong Executive Order (EO) nga gipagawas ni Labella nga nagpahugot sa social distancing kung diin kinahanglan nga i-obserbar gayud ang 1 meter distance.
Kini ang hugot nga ipatuman sa mga naasoy nga ahensya, mga bangko ug ingon man mga pharmacy.
Kinahanglan usab nga mu-provide ang naasoy nga mga establisamento og mga lingkoranan nga mag-obserbar usab sa 1 meter nga gilay-on.
Samtang mihatag ug Business Permit Licensing Office (BPLO) Hotline ang kadagkuan sa dakbayan sa Sugbo alang sa mga masakpan nga makalapas sa giluwatan nga EO ni Mayor Labella.
Mamahimo mga mu-text o mutawag pinaagi ani nga cellphone number nga 0917 842 3772. | reports from Joan Gantalao
