Cebu City-Giduguk ug mga deboto ang Walk With Jesus nga gipahigayun kaganihang kaadlawun.
Gisugdan ang maong prusisyun alas 4 kaganihang kaadlawun kung diin nanukad kini sa Fuente Osmeña paingun na sa Basilica Minore Del Sto. Niño. Gibana-bana nga milapas pa sa estimated crowd ang mitambung karun sa nahisgutang kalihukan diin mukabat sa kapin 600,000 ang misalmot niini
Makita usab ang full force nga mga otoridad, mga pulis nga anaa kilid sa kadalanan, anaa usa’y mga pulis nga nagsakay ug motor nga mipanon sa mga tawu, mga medical team lakip na ang disaster team.
Ang Walk With Jesus usa ka penitential walk kung diin tima-ilhan sa paga-abli sa siyam ka adlaw nga nobernaryo alang sa kapiyestahan sa Balaang Bata nga si Sr Sto Niño, ang patron sa Sugbo.
