Gikompirmar sa Department of Health nga ilang gipaabot nga modeklarar og dengue outbreaks sa walo ka mga lugar sa nasud.
Kini tungod usab sa pagdaghan sa mga kaso sa miaging mga semana.
Matod sa tigpamaba sa DOH nga si Assistant Secretary Albert Domingo, diin kasagaran sa maong mga lugar gikan sa Metro Manila, Central Luzon ug ingon man sa pipila ka bahin sa Calabarzon.
Dugang pa nga sulod sa nahisgutang tulo ka mga rehiyon, adunay siyam ka mga lokal nga kagamhanan nga mitaas ang kaso sa dengue, apil na ang Quezon City.
Unang nideklarar og dengue outbreak ang QC tungod sa padayong pagsaka sa kaso sa dengue sa dakbayan, diin moabot na sa walo ka mga indibidwal ang natala nga namatay tungod sa virus ning tuiga.
Lakip sa namatay mao ang walo ka menor de edad.
Basi sa datus sa QC City Epidemiology and Surveillance Division, niabot sa 1,769 ka kaso sa Dengue ang natala sa siyudad gikan Enero 1 hangtod Pebrero 14, 2025.
Kini nagpakita og 200% nga mas taas kaysa sa miaging tuig.
