Nagpaglantawan sa usa ka manlalaban nga kwestyunon sa gobyerno sa Pilipinas ang posibleng pagkasikop ni Presidente Rodrigo Duterte human giimbestigaran sa International Criminal Court (ICC) ang giingong mga extrajudicial killings.
Kini ang reaksyon ni Atty. Clarence Paul Oaminal subay na sa pagpadayag ni human rights lawyer Neri Colmenares kalabot na sa maong imbestigasyon.
Una niini, nagkanayon si Colemenares nga posibleng moluwat si Fatou Bensouda, ang chief prosecutor sa ICC, og warrant of arrest si Duterte gumikan sa mga alegasyon kalabot na sa “crimes against humanity.”
Matud ni Oaminal, kinsang kanhi undersecretary sa Dangerous Drugs Board nga adunay hurisdiksyon ang habig sa United Nations alang sa ilang legal nga aksyon batok sa mga lider nga nakabuhat og krimen sa isig ka ingon.
Kini bisan pa man og immuned ang chief executive sa nasud sa pagkasikop ug pag-atubang og kaso.
Dugang pa sa manlalaban nga lalisonon ang maong isyu sanglit usa sa mga characteristics sa Criminal Law mao ang territory.
Gipasabot ni Oaminal nga ubos sa Criminal Law ipatuman gayud ang maong balaud sa sulod sa teritoryo sa Pilipinas.
Hinuon, nakapangutana si Oaminal kung kinsa man ang mopatuman sa warrant of arrest kun ugaling tinud-on sa ICC ang maong warrant of arrest.
