Nahimong dakong problema ang wala pag-apil ni Stephen Curry sa Golden State Warriors.
Diin nasinati sa Warriors ang ikaduhang sunod-sunod nga kapildihan human sila gipildi sa New Orleans Pelicans, sa iskor nga 95-115.
Wala usab si Curry sa dihang napildi ang Golden State batok sa San Antonio Spurs niadtong miaging Sabado. Kini gumikan nakahiagom si Curry og “oblique injury” atol sa 108-115 nga kapildihan batok sa Houston Rockets niadtong miaging Huwebes.
Tungod niining tulo ka sunod-sunod nga kapildihan, nahulog ang rekord sa Warriors ngadto sa 8-6 (daog-pilde). Ang Golden State nakatala og walo ka sunod-sunod nga daog una pa nahitabo kini nga pagkahagsa.
Sa laing bahin, giputol sa New Orleans ang ilang unom ka sunod-sunod nga kapildihan pinaagi sa pagpangulo ni Jeremiah Fears, kinsa nakatala sa iyang unang “triple-double” sa iyang karera—naglangkob sa 19 ka puntos, 10 ka assists, ug 10 ka rebounds.
Si Saddiq Bey midugang og 23 ka puntos ug si Zion Williamson nakakuha og 16 alang sa New Orleans, nga wala na molingi pa human nakahimo og sayo nga labaw nga 35-11.
Mao pa lamang kini ang ikalimang daog sa Pelicans sulod sa 15 ka mga duwa.
Si Yaxel Lendeborg nangulo sa Golden State pinaagi sa pag-iskor og 28 ka puntos, ang kinatas-ang puntos sa maong duwa. Si Brandin Podziemski miamot og 15 ka puntos, samtang si Gui Santos midugang og 12 ka puntos.











