CEBU CITY — Naglisud ang Golden State Warriors sa ilang pagpakigsangka sa Game 3 human nga wala makaduwa si Klay Thompson gumikan sa injury sa tiil.
Kini ang nakita sa sports analyst nga si Edmund Navarro human nga nanimawos ang Toronto Raptors kaganiha ug nakadaug sa iskor nga 123-109.
Gihulagway ni Navarro nga nabali ang hangin sa Game 3 hinungdan nga anaa na sa 2-1 ang serye pabor sa Toronto Raptors.
Nakita usab sa maong sports analyst nga dakong kawad-on sa Golden State ang wala pagduwa nilang Thompson ug Kevin Durant gumikan sa pagka-injured.
Matud ni Navarro nga nakabaton ang Raptors og maayo nga shooting percentage pinaagi sa paspas ug consistent nga pagduwa ni Kyle Lowry.
Samtang nahimong nindot ang opensa nga gipakita nilang Marc Gasol ug Pascal Siakam.
Dugang pa ni Navarro nga kung unsa nga team ang mas maka-shoot og maayo maoy makadaug sa sangka.
Ipahigayon karong Sabado, Hunyo 8 sa buntag (oras sa Pilipinas) ang Game 4 sa duha ka mga team.
