-- ADVERTISEMENT --
Gipaambit ni Monico Puentevella, ang Presidente sa Samahan sa Weightlifting sa Pilipinas nga wala mawala ang kakulba nga nabati sa mga atletang Pinoy nga nakigtigi sa Paris Olympics 2024.
Matud niini nga bisan paman nga andam na sila apan, wala mawala ang kakulba hilabi na kung magsugod na ang duwa.
Diin pipila niini kay miresulta sa nagkandaiyang sakit apan, mipasalig si Puentevella nga anaa sa maayong kahimtang ang mga atleta ug padayon nga nagtinguha nga makalangkat og medalya.
Sama nalang sa iyang mga gipasigarbo nga mga Weightlifters ilabi na ang duha nga gikan sa Sugbo nga sila si John Febuar Ceniza ug Elreen Ando nga naghinam-hinam na ug hingpit na nga andam karong umaabot nga Agosto 7-9.
