Mitaho ang World Health Organization (WHO) nga tumong niini nga mabakunahan ang kapin sa 40,000 ka mga bata batok sa nagkalain-laing mga sakit sa Gaza, samtang gipahimuslan niini ang bag-ohay lang nga ceasefire.
Ang WHO ug ang mga kauban niini nakabakuna na sa kapin sa 10,000 ka mga bata nga ubos sa edad nga 3-anyos sa unang walo ka adlaw sa inisyal nga hugna sa kampanya nga gilunsad niadtong Nobyembre 9.
Mipahayag ang hepe sa WHO nga si Tedros Adhanom Ghebreyesus nga ang hugna sa programa gipalugway hangtod sa Sabado ug naglaum nga mapanalipdan ang mga bata batok sa mga sakit sama sa tipdas, mumps, rubella, diphtheria, tetanus, whooping cough, hepatitis B, tuberculosis, polio, rotavirus ug pneumonia.
Gihimo sa pakigtambayayong sa UNICEF, UN agency for Palestinian refugees (UNRWA) ug ang ministeryo sa panglawas sa Gaza ang hugna sa ikaduha ug ikatulo sa kampanya ubos sa kontrol sa Hamas nga giplano alang sa umaabot Disyembre ug Enero 2026.
