Misaka sa ika-55 nga puwesto sa FIVB world rankings ang Philippine Women’s Volleyball Team o Alas Pilipinas human wala mapilde sa pool competition sa Asian Volleyball Confederation Challenge Cup for Women.
Sa niaging mga adlaw, gipildi sa Alas Pilipinas ang tanang nakatigi nga nasud sa pool A sa maong torneyo lakip na ang Australia, India, Iran, ug Chinese Taipei.
Tungod niini, gikan sa kanhi ika-63 nga ranggo sa world ranking sa women’s volleyball, misaka kini sa ika-55 nga puwesto, samtang nahimong ika-8 sa tibuok Asia.
Ang team sa China, Japan, ug Thailand, nga anaa karon sa tunga-tunga sa international volleyball competition, nagpabilin gihapon nga nag-una sa Asya.
Karong adlawa, ang Alas Pilipinas makigsangka sa Asia’s ranked 4 Kazakhstan sa do-or-die match diin ang modaog nga team modiretso sa finals sa AVC Challenge Cup for Women.
