Gihimug-atan sa Armed Forces of the Philippines (AFP) nga ipadayon nila ang ilang pagbantay sa West Philippine Sea bisan pa sa mga pagsaway gikan sa China.
Sumala sa AFP Spokesperson sa West Philippine Sea nga si Rear Admiral Roy Vincent Trinidad, kining mga pahayag sa Chinese Communist Party mao ang hinungdan sa “instability” sa WPS, nga iyang giingon nga kabahin sa exclusive economic zone (EEZ) sa Pilipinas.
Matud niini nga ang ilang nagpadayon nga mga ehersisyo sa Bajo de Masinloc, nga kabahin sa WPS, giaprobahan, gi-coordinate, gi-iskedyul ug nahiuyon sa mga kasabutan ug kasamtangang mga balaod.
Dugang pa ni Trinidad nga kining mga sumbanan sa ilegal nga mga aksyon sa China gihimo nga supak sa ubang mga estado sa Southeast Asia ug bisan sa internasyonal nga balaod.
Kining mga aksyon sa China, lakip na ang ilang ilegal nga pagpatrolya sa WPS ug ang pagpahigayon sa giingong pagbansay sa Bajo de Masinloc, parehong walay igong basehan ug mga balaod nga nagsuporta niini.
Samtang, bag-o lang gihimo sa China ang mga patrolya sa kadagatan ug kahanginan sa nahisgutang katubigan sa teritoryo sa nakalabayng semana.
Namahayag usab si Trinidad nga kini nga mga kalihokan wala’y koordinasyon ug wala gisuportahan sa kasamtangang international law.
