CEBU – Nipahibawo sa iyahang pagretiro ang chairman ug CEO sa World Wrestling Entertainment (WWE) nga si Vince McMahon taliwala sa imbestigasyon sa iyang giingong mga kakulian samtang naglingkod isip pangulo sa sports entertainment giant.
Hulipan ang 76-anyos nga si McMahon sa iyang anak nga babaye nga si Stephanie McMahon, kinsa maoy magsilbing chairwoman ug co-CEO ug ang presidente sa WWE nga si Nick Khan magsilbi usab nga co-CEO sa kompanya.
Mopahawa si McMahon, kinsa nangulo sa kompanya sulod sa mga dekada ug nagtukod sa WWE ngadto sa internationally-known, billion-dollar company, samtang nag-imbestigar ang WWE’s board sa mga settlement nga gihimo nga mokabat sa kapin sa $12 milyones sa miaging 16 ka tuig aron sumpuon ang mga alegasyon sa sexual misconduct.
Sumala sa taho, gihimo ang mga pagbayad sa upat ka mga babaye nga kanhi kauban sa WWE, nga adunay mga alegasyon nga naglakip sa infidelity, sending of unsolicited nude photos, ug coercion of sexual acts.
Usa sa labing inila nga tawo si McMahon kung professional wrestling ang hisgutan.
