CEBU CITY-Muhatag ug hinabang ang Yanson Group of Bus Companies ug Yanson Foundation diin pangulohan ni Doña Olivia Villaflores Yanson ngadtu na sa pamilyang Janson ug Baguio sa Barangay Ermita, dakbayan sa Sugbo.
Ipanghatag ang tig-P10,000 sa matag pamilyang Janson ug Baguio kinsang namatyan gumikan sa Guimaras-Iloilo Strait tragedy niadtung Agosto 3, 2019 adlaw nga Sabado.
Ugmang adlawa madawat sa mga nahisgutang pamilya ang cash assistance ugmang adlawa, alas 9, atul na sa programang Bombohonay Bigtime dinhi eksklusibo sa Bombo Radyo Cebu.
Ang Yanson family ang nanag-iya sa pinakadaku nga bus company lukup nasud kung diin usa sa gipadagan dinhi sa Sugbo ang Ceres bus liner nga ubus sa Vallacar Transit Inc.
Kahinumduman nga niadtung Agosto 3, pasado alas 12 sa udto ngadtu sa alas 3 sa hapon, na-ukay ang Kabisay-an, ingun man lukup nasud human nga tulu ka mga motorbanca ang mitikya-ub kung diin 31 ang gideklarang patay sa trahedya sa Guimaras-Iloilo Strait. (SBR)
