Gipaambit ni Yasmien Kurdi ang mga grabeng pagsulay nga giatubang nila sa iyang pamilya samtang giatiman ang iyang anak nga giingong nakasinati og pagpang-bully sa eskwelahan.
Matod ni Yasmien, na-ospital ang iyang anak sulod sa duha ka semana tungod sa anxiety ug miagi og unom ka bulan nga therapy human sa insidente niadtong Disyembre 2024.
Tungod usab sa grabeng stress ug kabalaka, gidali pagdala sa emergency room ang aktres human siya nakasinati og grabeng urticaria o mga pantal sa panit.
Bisan pa sa mga nasinati sa iyang pamilya, nakahukom si Yasmien nga mag Law school, nga matod niya nakatabang kaniya nga maminusan ang trauma ug makabaton og bag-ong tumong.
Alang sa aktres, ang pagtuon og balaod nahimong iyang “healing ground” o lugar sa pagkaayo, tungod kay nagpabilin niining okupado ug nakapokus ang iyang hunahuna sa positibong mga butang.
