Malipayong gipaambit sa aktres ug dancer nga si Yassi Pressman nga engaged na siya sa iyang uyab, si Camarines Sur 2nd District Representative Luigi Villafuerte.
Pinaagi sa usa ka joint Instagram post niadtong Sabado, Hulyo 18, 2026, gipaambit sa manag-uyab ang serye sa mga hulagway ug video sa maong espesyal nga okasyon, uban sa caption nga “Our greatest adventure.”
Nahilak sa tumang kalipay ug kakurat ang aktres sa dihang miluhod si Villafuerte aron itunol kaniya ang usa diamond engagement ring.
Nahitabo ang romantikong proposal atol sa ilang bakasyon sa usa ka matahom nga outdoor safari getaway, inubanan sa talagsaong African sunset.
Kapin na sa tulo ka tuig ang relasyon sa duha.
Unang namatikdan sa publiko ang ilang kalambigitan sa tunga-tunga sa 2023, ug pormal nila kining gipadayag sa social media niadtong Pebrero 2024.
Sa usa ka interbyu sa miaging tuig, gihulagway pa gani ni Yassi ang iyang relasyon kang Luigi isip “ang labing maayong relasyon sa iyang tibuok kinabuhi.”
Dali usab nga mibaha ang mga pagpahalipay gikan sa ilang mga higala sa industriya sa showbiz, lakip sila Anne Curtis, Jericho Rosales, Zeinab Harake, ug daghan pang uban.
Sa pagkakaron, wala pa gipahibalo sa manag-uyab ang eksaktong petsa sa ilang gipaabot nga kasal.
